الأربعاء، 26 يناير، 2011

free people .. support us





Egyptians are in need

everybody everywhere ,we need your support
during the last 2 days (january 25 , 26) there were demonstrations everywhere in Egypt
i was there and i'm proud of my generation
we made demonstrations without any violence

the real face of the regime of Mubarak has appeared
everything was said by the leaders of the ruler party was a big lie
Anti-riot police used violence also facebook , twitter , live video stream sites were blocked
and there were murders and wounded people



tahrir square demonstrations


PLEASE we need your support urgently
tell others about our case
make protests before Egyptian embassy or consulate
start to make pressure on your governments to STOP the crimes of Mubarak's regime

sorry for my English you can reform it and share it everywhere please

update: by the way the muslim brotherhood is not officially took part in the demonstration
some individuals were there as Egyptians (about 200 of 20,000 in tahrir square)

link of the demonstration photo

مصر في 25


"فشهروا اسلحتهم للقتال ، وطردوا سائر العساكر من محلهم ، وصار الحاكم هو الرعية ، ولم يمكن للدولة عمل شيء" رفاعة الطهطاوي عن ثورة الحرية 1830 بباريس

الاسكندرية يوم الثلاثاء 25 يناير 2011

صحيت من النوم وكنت لسه مخلص امتحانات اليوم اللي قبليه .. قمت جري فتحت تويتر الفيس بوك وأنا مشحون بقلق وخوف وترقب في نفس الوقت


لقيت حاجات بتقول ان فيه تحركات في الرصافة في محرم بيه والعصافرة قبلي و في المنشية ... ده بالنسبة لأسكندرية

اخويا كان عنده طيارة بعد ساعات وكنت لازم اوصله مقدرتش امسك نفسي لبست ونزلت وقلت لأمي رايح اقابل واحد صاحبي

قررت اطلع على المنشية بس بصيت الاول على مديرية الامن لقيت الجو هادي قبل ما اوصل لقيت مسيرة كبيرة عند الغرفة التجارية

نزلت ومشيت معاهم
كنت خايف جدا من اي شغب يحصل

مشيت مع الناس وواحدة واحدة صوتي ابتدا يعلا معاهم
كان وقتي ضيق جدا عشان ارجع اودي اخويا

مشينا لحد ما دخلنا صفية زغلول ومنه على شارع فؤاد


طول الوقت كل المحلات والعربيات والبلكونات والاجانب من تريانون كلهم كانوا بيشاورولنا وبيأيدونا او بينزلوا معانا ده حتى واحد من مكتب الاخبار عمال بيشاورلنا من فوق

والناس كانت بتزيد بشكل ملفت
وكنت اول مرة احضر ناس بتقول النشيد الوطني بالاحترام والحرقة دي

وبلعت ريقي من الخوف عند المحافظة.. الناس بطلت مشي ووقفت قدام المحافظة تهتف بمنتهى الانفعال " باطل .. باطل "

مفيش حاجة كانت هتمنع الناس لو اقتحموا المحافظة مفيش غير تلات عساكر مرعوبين قدام الباب والامن المركزي كان ورانا ولسه بيظبط وضعه

بعد كده كملنا مشي في شارع فؤاد عشان نوصل ابو قير قبل ما الامن المركزي يقسمنا نصين عند البطالسة كنت متأخر جدا عشان كنت بحاول اتويت كل حاجة بتحصل

ابص ورا الاقي الامن المركزي جاي من ورايا بيهبد وحسيت انهم ناويين على الشر

بصراحة خفت و اخدت زقاق صغير وصلت منه للنص التاني من المظاهرة عشان اكمل معاهم لقيت امن مركزي تاني

وبعدين لقيت امي بتكلمني تستعجلني عشان معاد الطيارة اضطريت امشي

وطول الوقت اللي كنت فيه هناك مفيش اي حاجة اتكسرت او اي خساير غير طبعا صور جمال وابوه اللي بقت منتشرة اكتر من الزباله في الشوارع

الدروس المستفادة

- الشباب اللي كان موجود على درجة عالية من النضج والفكر برغم التعليم الزفت اللي موجود
- الانترنت وسيلة قوية جدا للشفافية والديمقراطية والمعرفة اللي بيها وصلنا للحدث ده
- انكشفت ادعاءات النظام المصري بحرية التعبير والديقراطية ومقدرش يستحملها اكتر من ساعات وبدأ حجب المواقع المهمة والتعامل العنيف مع المتظاهرين اللي بدورهم كانوا مسالمين لأقصى حد ممكن مع الاعداد الغفيرة اللي كانت موجودة

- أنا غيرت موقفي " أنا مع الثورة "

في النهاية عايز اقول ... فعلا أنا فخور بجيلي


اسيبكم مع بعض ابداعات كارلوس لطوف .. شكرا كارلوس





الجمعة، 14 يناير، 2011

قبل ان تثور



مبدئيا احب اهني التوانسة على عزلهم للديكتاتور بن علي ... وربنا معاهم في اللي جي

بالنسبة لمصر بمناسبة نبرة الثورة ويلا نثور ونعمل زي تونس والحاجات اللي مالية الفيس بوك دي انا عندي كلمتين

انا عندي امتحان بكرة بس مكانش ينفع اسكت

اولا الثورة دي انا شايف انها حل ولكن هي اصعب حل .. وآخر حل .
زي بالظبط واحد هيموت خلاص وبيعملوله عملية ومحتاج بعدها فترة نقاهة

ثانيا : أمتى النظام يسقط وتسود الفوضى ؟؟ اظن هتقولي لما يضعف
لا النظام بيسقط (اللي بتحميه الشرطة) لما يفقد هيبته ويبقى عندك ظن انك اقوى منه

اخطر حاجة هتحصل فترة الفوضى ممكن الفترة دي تكون ساعات او سنين
يعني فرضا لو طلعنا كلنا بكرة وخلعنا الريس والشلة و فشخنا العادلي
ايه اللي هيحصل؟؟

لو كنت نازل وكل هدفك انك تجيب الناس اللي على الكراسي و تفشخهم لازم تسأل نفسك .. وبعدين؟؟
اوعى يكون خيالك واسع ان في واحد من بين الجموع هيصعد ويتولى السلطة وانت تهتف بحماس
او تروح بيتكوا ويحصل انتخابات نزيهة
طب بين مين و مين بذمتك
المشكلة ان مفيش اي حد في الصورة
البلد كلها يا معرصين يا خايبين

اقولك انا اللي هيحصل
1- حركات نهب وبلطجة بنت كلب من اول الناس اللي في بيوتها لغاية المتاحف.... هيحموها هي ولا العادلي ؟؟!!
2- محاولات للأنقضاض على السلطة من الاسلاميين الراديكاليين او جماعة الاخوان
وطبعا هيحاولوا السيطرة على وسائل اعلامية
والاحزاب عندنا اطرى من انها تعمل كدة
3- المسيحيين هتحصل ضدهم حاجات بشعة .. أهو كله هيزيط في الزيطة
تخيل لو الاخوان مسكوا الحكم وواحد فجر كنيسة ... البلد راحت يا معلم

الحل في حاجتين
اما انت نازل مع الليبراليين وكلهم ليهم اختيار واحد وانا منهم بطبيعة الحال
او نمشيها اضرابات واعتصامات سلمية وده اللي انا اتمناه
واوعى تقول انها متجبش فايدة يبقى متعرفش حاجة
واحدة كان اسمها روزا باركس رفضت انها تقوم من مكانها في الاوتوبيس في مونتجمري لحد ابيض كانت السبب في المساواة بين السود والبيض في امريكا وكان اضراب عن ركوب الاوتوبيسات دي لمدة سنة بقيادة الملهم " مارتن لوثر كينج" (مش بتاع البروتستانت)

لما جه جيفارا مصر وزار عبد الناصر كان سامع عن الثورة في مصر
تعجب جدا اول ما عرف ان مفيش تقريبا اي حد مات في الثورة دي " ازاي ثورة من غير دم؟؟ّ!!"
بس اكيد ساعتها عرف ان اللي كان بيحكم مصر قبل الثورة دم المصريين كان اغلى عنده من العرش فتنازل عنه عشان المصريين ميضربوش بعض بالنار.
تحية للملك فاروق .. والخزي والعار للعسكر المستولين على الحكم.

وشايفه عالنظام مش عم يمشي غيرله النظام




الثلاثاء، 4 يناير، 2011

تلاحم



اي حد مسلم عايز يروح كنيسة يوم الخميس في الاسكندرية او دمنهور يبعتلي على الميل وانا هحاول اظبطة
notazr2a@yahoo.com


الأحد، 2 يناير، 2011

كلمتين يا مصر ... يمكن



لم تربطني علاقة بأحد الشهداء اكثر من بضع ساعات عرفت فيها واحد منهم.

حزن عميق يكاد يشطرني نصفين، بالرغم اني لست الاكثر تأثرا بين جموع الهاتفين.

لكني آثرت الآن التوقف لأحدثك يا مصر عن حالي.

أشكو لك أخي الذي لم يعد على العهد باقيا.

أشكو لك مرارة وضعها امس في حلقي.

ولكن اطمئني يا امي .

لازلت قادرا على الحياة.

لم ينزع ما حدث الحب من قلبي.

لازلت قادرا على الابتسام في وجه من يختلفون معي.

لم تتشوه نفسي الانسانية.

لازلت محافظا على معصمي خاليا من اي اشارة دينية.

لم اشح بذراعي قابضا يدي وأنا أصلي.

لازلت ضد كل تمييز وعنصرية.

ولازال ردى على سؤال "انت ايه؟"

هو أنا مصري



الصورة من BBC

السبت، 1 يناير، 2011

دمعة على جبين الانسانية



"سيظل دائما هناك أناس طيبون يفعلون الخير وأشرار يفعلون الشر، ولكن لكي تجعل الطيبين يفعلون الشر، أنت تحتاج الأديان" - ستيفن واينبرج


GOD is a concept