وقد منحوه تاريخا من التحرش
صار كرنفالا حيوانيا للمتحرشين
وخاصة عيد الفطر الذي يأتي بعدما يكبتون انفسهم في رمضان
بعدما ظهر الخليط الغريب بين المتطرفين الدينيين والاباحيين
وآخر موضة الآن ان المرأة لابد ان تحتشم بمنزلها
عشان لما يشوفها جيرانها من الشباك لا يستثاروا
قالها واحد اجاد اختيار اسمه في بلوج كونتيكي
ومن هنا احب ادعو كل متحرش انه يمسك نفسة حبتين
وأؤكد ان الطبيعي ان البنات تبقى حلوة من غير ما حد يتعرض لهم
ولو اتعرضت ليهم انت اللي تبقى قليل الادب ولازم المجتمع يؤدبك
مش يخليها وحشة ويداري جمالها وريحتها تبقى عرق وانت تبرطع براحتك
احترموا آدميتكم
وعلى فكرة انت كده بتعصى ربنا اكتر منها ده لو قلنا انها بتعصاه اصلا
مش هقولك لازم تحط عينك في الارض ده برضه يبقى غريب عن الطبيعة
اكيد الحلوة بتخطف عيني بس لحظات والموضوع بيخلص
انا مثلا عمري ما شفت وحدة حلوة واحد قطفلها وردة وأثنى على جمالها
ومشي فورا قبل ما دماغها تودي وتجيب
اصل الجو العام دلوقتي شديد القذارة واسهل حاجة
انك تعمل نفسك بتاع ربنا وترمي على غيرك
وده مشهد التحرش في فيلم كايرو تايم
ابشروا وصل تحرشكم هوليوود
الله يكون في عونكم يا بنات ده انا بجد خفت
وده لينك الصورة
هناك تعليقان (2):
صح ده حته المحجبات مش عتقنهم
مفيش دم يا جدعان صدقنى الواحد من دول بيكون مش عاوز حد يبص على اخته او امه او مراته
و بعدين يستبيح لنفسه كل شيىء
انت عارف يمكن المشهد اللى انت عرضته دة
اتقلى كلام من جست هولندى هو مراته
سألونى هو دة العادى ان الرجالة يبصوا كده ع الستات
طبعا كنت محرج ارد اقول ايه
بس انت بتقول فيها دول حيوانات دة حتى الحيوانات بيكون ليهم موسم تزاوج
بس على فكرة المشكلة كبيرة و عميقة أكتر من كونها قضية تحرش
دى قضية نظام بحاله
صدقنى مش هكفى كومنت او بوست واحد
علشان تقدر تلم الموضوع
يلا خير (:
شكرا اندرو (:
مش تقول يا عم انك اخدت بالك من المعركة اللى كانت هناك :) شفتنى لما تفيت علية هههههه والله بقى شر البلية ما يضحك وعندك حق العيد بقى مناسبة عشان نسمع اخبار التحرش بدل تبادل الهدايا و نشر المودة بقى وساخة فى الشوارع انا شخصيا مش بنزل فى العيد
دلوقتى الجمال بيقرف اة و الله الشاب من دول بيخاف يقرب من واحدة جميلة اصلها جميلة و مبينة تبقى صايعه او دايما فى افتراض سوء نية حتى لو قعد جنبها على كرسى فى مكان عام بيبقى خايف وفى نص هدومة انا بقيت بحس انى جربة او عندى داء معدى فى الاماكن العامة المشكلة يا اندرو ان النفوس باظت وخربت وبقت وسخة ومفيش نية سليمة ومحدش يقولى كل سنة وانتى طيبة الا لما رمضان و العيد يخلصوا :D و نرجع للنظام تانى بعد شهر و اسبوع هرجلة وفوضى فى كل حاجة
إرسال تعليق