السبت، 30 أكتوبر، 2010

يا فاقعا مرارتي

امبارح مصطفى يونس كان مستضيف نفسه على مودرن سبورت عشان انجاز منتخب الشباب
والاحساس الاسوأ لما تلاقي حد في بيتكوا بيتفرج عليه
بجد مش قادر
يا جدعان مرارتي مش كاوتش
الناس بقت سطحية جدا كده ليه؟؟

الثلاثاء، 26 أكتوبر، 2010

بالعقل




حكيت الحكاية دي لسواق التاكسي لما سألني عن رأيي في الأخوان

راح التلفزيون معرض الكتاب يصور مع 3 زوار للمعرض يسألوهم ايه احسن حاجة في المعرض السنة دي ؟
أول واحد قال : اعادة النشاط لترجمة الادب الروسي .
تاني واحد كان جاي المعرض مع واحد ملوش في الكتب قعد يفكر يخرج ازاي من المزنق ده
لما سألته المذيعة قال لها : المصحف طبعا
ردت عليه : طبعا طبعا لكن ايه عجبك تاني؟
رد بإصرار : كتاب الله وليس سواه.
سابته المذيعة وراحت لتالت واحد تسأله
قال لها : المصحف طبعا وبرضه اعادة نشر كتب الفلسفة لسارتر وديكارت .

الراجل التاني ده عمل ايه ؟
احرج اللي قبله وخلى اللي بعده يقول المصحف قبل رأيه
يعني خلى اللي بعده مجرد يزود كلمة قبل كلامه
معلموش حاجة .. مفادوش بنكلة
المجتمع مافيش حاجة فيه اتحسنت
ويعني أول واحد ده دينه منقوص مثلا؟؟!!
افرض المجتمع كله بقى بيقول السلام عليكم بدل صباح ومساء الخير
وكل ما يدخل حته بيقول دعاء
ويلبس لبس ناس تانيه في مكان تاني من 14 قرن
طب ليه صحيح منقولش ان الرسول كان بيلبس زي مجتمعه
كان شبههم ومحاولش ينفصل عنهم رغم مكانته
مش دي فكرة برضه
او الناحية التانية يقولي بإذن المسيح او سلام ونعمة
وكل واحد فيهم بيحاول يعيش في مجتمع طائفي
منفصل عن الآخر
هو ده يعني الدين
بجد تحسهم زي اللي بيلم سكور(score) في لعبة
ده انا لو مكان ربنا هنفخهم
ازاي بيعاملوني على ان عقلي صغير كده
يا جدعان ده ربنا عرفوه بالعقل

والله ده اهلنا الفلاحين دول كانوا فلاسفة جنب الناس التانية دول
بالعقل ... بالعقل ... بالعقل

الأحد، 24 أكتوبر، 2010

انت فاهم غلط!!




يمكنك ان تسب .. تتشاجر .. أو حتى تقتل وتحرق وتدمر.

لكن أرجوك لا تلصق التهمة بالله.

فهو ليس بقاتل.

ولا تحرضه على القتل والدمار ايضا وانت تدعوه.

يمكنك ان تطلب منه ان يعزّك دون ان يذلني.

ولا تسمعني تجريحا من فوق منبر يحمل اسمه.

حتى لو زار الله الارض وتحقق فرض دستوفسكي*.

وطلب مني أن أقتل.

سأرفضه كما رفضه الكاردينال.

الله هو الخير المطلق يا سادة.

وهذا أصل عقائدنا الدينية.



"يا أبتاه ، أغفر لهم ، لأنهم لا يعلمون ماذا يفعلون " (لوقا 23:34)


ـــــــــــــــــــــــــــــــــــــــــ
*
يتضمن الفصل الخامس من رواية الاخوة كرامازوف لدستوفسكي قصة وردت على لسان احد الشخصيات
مفادها ان الله جاء في شكل انسان ثانية في اشبيلية باسبانيا في فترات محاكم التفتيش واعدام اليهود والمسلمين
وعندما دخل المسيح في وسط جموع الناس يصنع المعجزات أمر الكاردينال بالقبض عليه وأودعه السجن
لأنه خاف منه على الكاثوليكية رافضا ان تزيد تعاليمة كلمه واحدة عما سبق
وقال له انت موعدك في نهاية الزمان ماذا أتى بك قبل ذلك ؟؟!!.







الثلاثاء، 12 أكتوبر، 2010

تعلّم .. فعلّم



1 ابريل 1998

صباح جديد يحمل يوما دراسيا جديدا في احدى المدارس
أطفال -أنا من بينهم- في صفهم الرابع الابتدائي يبدءون يومهم
ليسوا من الصفوة
لا تبدو عليهم مظاهر ثراء اهلهم
عاديين جدا

دخلت عليهم صاحبة الحصة الاولى وسط نظرات الثقة الكاملة
كانت لديها في ذلك الوقت فكرة
ان تشاركنا كذبة ابريل التي خدعت فيها قبل لحظات

كان احد الاوناش الكبري يعمل داخل المدرسة
قبل ان تشير اليه
قالت : " شفتوا الي حصل انهاردة الصبح"
مستطردة " ونش زي اللي بره ده وقع على الهرم الاكبر انهاردة الصبح ووقع جزء منه "

حدثت في الفصل ثورة غير متوقعة
أنا اذكر اني كنت منفعل الى حد البكاء
وكان هذا حال معظمنا

تعجبت تلك المدرسة معترفة لنا بالحقيقة
لأن انطباعات تلك " الاشتغالة " في وسط المدرسين كان "ياااه " أو " لاحول ولا قوة االا بالله " أو " يعني ممكن الونش اللي بره ده يقع علينا "


وتعلمنا في ذلك اليوم كذبة ابريل



علموا الاطفال

علموهم الوطنية ليواجهوا التبلد الوطني في الحياة

علموهم الاحترام الذي فقده المجتمع

علموهم الموسيقى لتهزموا الضوضاء

علموهم الفن لتهزموا القبح

علموهم ان التعليم هو حياة افضل

ليس شرا ولابد منه



هذا ما زرعتموه .... لنجنيه نحن

وما يجب ان نفعل نحن لنحسن هذا "الخرة" التعليمي

الطف بينا يا رب