الثلاثاء، 22 ديسمبر، 2009

اهو دا اللي صار وادي اللي كان

أحيانا بفكر ان حتى اسمي ضد افكاري
فكرة الاتجاه الى الانتماء للوطن قبل الدين
كان هيجرى ايه لو كانوا سموني اسم تاني غير اندرو
هبقى مسيحي درجة تانية مثلا
الاسم اللي حسسني بالعنصرية من معاملات الناس سواء تمييز بالسلب او الايجاب
طب وكمان ليه ما سمونيش اندراوس الاسم العربي
ولا هي تماحيك فارغة في الغرب

اهو دا اللي صار ، احنا ولاد انهاردة
يوم ما تبقى مصر علمانية يتقال مصر مصرية مش اسلامية ومش اصلها مسيحية والكلام اللي هيودي في داهية ده
يوم ما اشوفش المصريين يتكلموا على اساس الدين
والنكتة الكبيرة انهم بيواجهوا بعض بالمنطق ، والايمان بالدين اصلا خلاف للمنطق
اليوم ده اللي اتمنى اشوفه بسرعة
هروح اغير اسمي

هناك 3 تعليقات:

غير معرف يقول...

الفكرة مش فى انك تغير اسمك .... الفكرة ان يبقى اندرو ذى محمد متفرقش .... الفكرة انى لما اسالك عن اسمك ميجليش احساس و لو من بعيد انك تختلف عنى .....

غير معرف يقول...

انا اسمى جون
ولما حد بيعرف بيسالنى انت مصرى؟
باقلة لا ..... كنت مصرى

Andrew يقول...

جون ... اولا اهلا بيك في البلوج
انا يمكن محبط ويائس زيك بس لسه بحاول اخلق اي امل اعيش عليه اننا نحط ايدنا في ايد بعض ونكون احسن من الاجيال اللي سبقتنا
يارب