السبت، 23 يوليو 2011

الحداية مبتحدفش كتاكيت




وسط كل الزخم الرهيب والأحداث المتتابعة الفظيعة في مصر سألت نفسي سؤال
هل الاسلاميين ممكن فعلا يحكموا مصر ؟؟ ولو حكموها ايه الوضع؟؟
وقعدت افكر واكتب في درافتات ازاي هيكون الحال وهتتنشر قريب ان شاء الله

اختلافنا كتيارات سياسية متنوعة مع الإسلاميين في نقطة الحريات
والحريات بأنواعها هي من اهم الحاجات اللي انا مهتم بيها شخصيا

وجاني الرد جاني من حيطان اسكندرية
اخدت الصور دي زي القلم على وشي



عايزين نلحق نلغي من كلامنا "ربنا كبير" .. هو أكبر بس .. لما نقول كبير هو بيزعل مننا
الراجل اللي مسح كبير ده اخد ثواب السنين

حد يقول لفيروز تتدارى بقى اليومين دول


ـــــــــــــــــــــــــــــــــــ



"انت مال امك" نوع من انواع حرية التعبير حد حطه ردا على النصائح المنبرية الموجهة المكتوبة للحبيبة على البلوكات
لكن البوح بما يعارض الدين نقيصة في وجهة نظرهم فلازم يتمسح ويتفقع نصيحة تانية مضاعفة


الحداية مبتحدفش كتاكيت واليمين الاصولي عمره ما هيحدف حرية

ــــــــــــــــــــــــــــــــــــــــــــــــــ

سعاد ماسي - حياتي


هناك 3 تعليقات:

Ramy يقول...

أسلامية

هى أشهر حاجة عندنا على الحيطان ف الأقصر

من يوم ما قاللهم ان التصويت بلا يعنى مفيش اسلام و هما هنا متقدرش تناقش حد

واحدة بتسأل جوز اختى انتو تبع امريكا و لا تبع اسرائيل (:

يعنى كده كده خونة (:

كنت بكلم ناس اصدقائى يقولولى الأسلامييين مش هيوصلوا للحكم

فقلت له قصدك مين الأسلاميين

ميعرفش انهم ال85 مليون

Andrew يقول...

اللي مخوفني ومضايقني ان الكلام اللي كتبه اليهود عن خبراتهم في الاضطهاد في مصر في كتبهم في الحقبة الناصرية يشبه لحد كبير اللي بنتعرضله احنا دلوقتي

Mina Diaa يقول...

كالعادة في صلب أم الموضوع,,,,رائع يا أندرو!!