هو فيه ايه؟

ايه اللي بيحصل في مصر؟ ايه كم الأحداث الكتيير اللي بتحصل دي؟
رغم اني مش قادر اتابع بشكل جيد الأخبار عشان ظروف الجيش الا ان فيه صورة عندي ايتدت تتكون


الوضع العالمي
الظروف الحالية عالميا بتقول اننا في عصر بدء أفول الامبراطورية الأمريكية وهي ان منحناها يبدأ في النزول وفي الظروف دي بتتجمع القوى الموجودة في المركز التاني ومنها مثلا القوى الصاعدة في امريكا اللاتينية وجنوب شرق اسيا وروسيا
لحد دلوقتي اللي ابتدوا يتدخلوا روسيا وبعد طول غياب الصين وعملوا حلف مع ايران علشان يغلسوا على امريكا فبقت معركة تكتلات وصراعات على مصادر القوة زي الخناقة اللي بتحصل على الدول اللي كانت جزء من الاتحاد السوفيتي زمان بين امريكا وروسيا عشان أمريكا عايزة تضمن ان الغاز الموجود في المنطقة كلها يبقى تبعها ويتباع بالدولار عشان لو متباعش بالدولار العملة هتسقط
الصين وروسيا مسيطرة على التنقيب على الغاز في حتت كتير وروسيا بالذات بتحاول تخلي اوربا تعتمد عليها في الغاز عشان تضرب امريكا وعملت خط منها اسمه نابوكو يوصل لأوربا
في المقابل بدأت أوروبا وفي وسط ظروفها الاقتصادية الزفت بتداعب اوكرانيا وصربيا من دول شرق اوروبا انهم ينضموا للاتحاد الاوربي


تقوم روسيا تعمل ايه؟؟ ترفع سعر الغاز بتاعها عند اوكرانيا فمتعرفش تسدد فتفضل تحت باطها ودولة زي بيلاروسيا تخفض عليها سعر الغاز عشان متبصش برا :)




فتقوم اوروبا تلم من بعضها عشان تساعد صاحبتهم اوكرانيا




لاحظ تصريحات بوتين "انتهى عصر الغاز الرخيص"




ـــــــــــــــــــــــــــــــــــــــــــــــــــ


مصــــــــــــر


علاقتنا ايه بكل ده؟؟ امريكا عايزة حشد ورجالتها يبقوا في صفها ولما لقت التيار الاسلامي صاعد في مصر - بتدبير او لا - شافت انها لازم تتصاحب عليه فصرفت كتيييير جدا عليهم  ليه؟ احنا هنفيدهم في الغاز اولا وهنفيدهم عشان يخبطونا في ايران على اساس انهم شيعة وعندنا وعندهم الدقون مبتتوصاش لو قالولهم بستكك عليه.
مولت امريكا التيار الاسلامي اخوان وسلفيين عشان التمويل مش شرط يكون فلوس في ايديهم لكن في المرة دي تدريب.




ودي القضية المعروفة بقضية التمويل الأجنبي
اللي حصل بقى ان الجيش عرف ان المنظمات دي دربت الاخوان والسلفيين .. عمل ايه؟؟ قام قافش عليهم وسجن كل الناس ومنع الامريكان من السفر وجه رسالة قوية للأمريكان بيقولهم فيها انا لسه الحاكم ولسه القوي يا أمريكان مش هتبيعوني لصالح العيال دول ... يعني لو عايز تكلم شعب مصر تجيلي انا
وأكد كل الكلام ده لما بمنتهى البساطة روح الأمريكان بالعند في كل منظمات البلد عشان يؤكد انه لسه الكبير في البلد دي


الحوار ده خلى البرلمان هيتجنن وضحى فيه الجيش بحكومة كارتها محروق اصلا .. فهيبقى اقصى طموح الاخوان انهم يروحوا الحكومة اللي هي مروحة اصلا بدري شوية ... قفا صقع


كده كده الجيش مش خارج منها .. تخيل معايا 3 فرافير ورثوا بيت ومعاهم الفتوة للي بيحرس البيت ... واقعيا محدش في التلات فرافير اللي هيرأس البيت هيتحرك الا بإذن من الفتوة


اذن الغالب ان الجيش شايف مصلحة مصر في ان التيارات اللي بيسهلها كل حاجة تبعد عن الحكم وهو بيسهلها كل لوسائل انها تفضح نفسها وتوقع نفسها في فضائح زي مناخير البلكيمي وغيرها من الفضايح المنتظرة في الدستور العبيط اللي هيكتبوه عشان الجزء النشط في الشعب يسأم من التيارات الدينية فيحاول اسقاطها او يغمض عينه عن محاولات الجيش لإسقاطها.
والشعب في الأغلب من السذاجة انه يصدق اي حاجة تتقال في الفترة دي


الاخوان بيحاولوا كعادتهم انهم يسيطروا على كل شيء كعادتهم الشمولية وفي نفس الوقت مقلقين من الجيش ومش عايزين يخسروا باقي الجهات الثورية قليلة العدد شديدة النشاط فكل فترة يفقعوا تصريح ضد المجلس العسكري عشان يجاروا الموجة ويعملوا فيها انهم بيراعوا كل التيارات والكلام اللول ده لكن فعل واحد لو ركزت ...مفيش فيبقى الرهان على التسوية والاستقرار لحين انهم يسيطروا على كل شيء مؤسسة مؤسسة


ادينا بنتفرج


وربنا يحمي مصر

عن الشيخ سيد

عيد ميلاد فنان الشعب سيد درويش 17 مارس 1892 ، الراجل ده عظيم بقدر أعجز عن وصفه. وحسيت ان الطريقة الأفضل للأحتفال بيه اني أشارك معاكم أجمل موضوع قريته عن الشيخ سيد تحديدا من اربع سنين في مدونة بديعة توقفت تحديثاتها اسمها "جار القمر" وواخدة من فؤاد حداد تقديمها "ماليش خيال الا ان رميتني بنور هادي"

ـــــــــــــــــــــــــــــــــــ

"تقول القصه ان الشيخ سيد درويش البحر كان يغني في حفل زفاف .. و كانت العاده ان يُفصل الرجال عن النساء في هكذا مناسبات .. و لما انتهت
وصلته اقترب من الحاجز بين القسمين فالتقت عيناه بعيني جليله (العالمه ) الشهيره فابتسمت له وفقد هو ساعتها قلبه ووجد و فزنا بشحنات الالهام تحرك اصابعه على عوده و تحفز خلايا مخه ليرتجل - و اكرر يرتجل - لنا طقطوقة هي من اعذب ما شهدت الموسيقى العربية شعرا و موسيقا


خفيف الروح.

خفيف الروح بيتعاجب

برمش العين و بالحاجب

غمزلي مره بعيونه

لاقيت الحب مضمونه

حرام ان كنت انا اخونه

و عشقي له من الواجب

خفيف الروح

..
معرفة معلومة كتلك كافٍ جدا ليأسرك في رحاب هذا السفاح الموسيقي الى الأبد .. اي موهبة مرعبة امتلكها الشيخ الازهري من الاسكندريه ..عرف عني دوما وصفي لسيد درويش بالراديو الترانزستور الذي يستقبل بثا لا سبيل الا ان يذيعه و لا يملك في صناعته لا ناقة و لا جملا .. و هو مايصدق على انسان عارم الموهبة كمثله مات في الثلاثين من عمره ولم يحفظ جسده فانقطع البث بانقطاع أداة اذاعته
..
جليلة التي كانت ملهمة الشيخ سيد و سببا في امتاعنا بما لايعد من الادوار و الموشحات و الطقايق الغرامية الخالدة كانت لعوبا بما يحق ل(عالمة) في هذا الزمان .. و كان هذا سبا في دفقات اليأس و ندب الحظ و مرارة الهجر التي انتقلت لنا عبر موسيقى الرجل حتى وصلتنا اليوم لتؤثر فينا بعد قرن .. مايسحرني في انتاج سيد درويش المتعلق بجليله هو تلك التلقائية التي تمس روحك بلا استئذان .. مثالي هنا هي قصة الصاغه : يقال ان جليلة صادقت صائغا شهيرا اهداها ( خلخالا ) ذهبيا لم يكن في طاقة سيد درويش - على فقره - ان يبتاع مثله , لكن كان في طاقته قطعا ان يجعل جليلة تندم على قبول الهديه .. و العاشق الجديد يندم على اهدائها


الصاغه
..

syed darwish - el sagha | Upload Music

في الصاغه الصغيره روح تشوف

العجايب و العجب

على الشمال اول دكان

صاحبه جدع اسمه القبطان

عنده حلق خفه و كردان

وآدي الحقيقه و نكتب

تاني دكان سيبك منه

و التالت اللي باقول عنه

تاجر شهير ولا فيش منه

ولكل شيء دايما سبب

رابع دكان سلملي عليه

دا انا قلبي مايميل الا اليه

و الخامس اللي اقبل ايديه

ده يساوي طب كيل دهب

اما بقى ساتت دكات

فاستنى عنده يابو القمصان

تلقى اللي فيه قاضي النسوان

عمر اللي زيه ماينعتب

قسوه .. يصف الشيخ الصاغة وصفا تفصيليا للزائر .. و يعطي وصفا مكثفا بديعا صحيحا مفصلا لحال كل دكان وصاحبه وسبب شهرته او كساده .. و بينما يصف لك في رحلة تخيلية حال كل حانوت يصل بك الى دكان العاشق الجديد و يتأكد اولا من ان يستخدم جملة لحنية تفصل بين الاخير و ماسبقه من دكاكين .. ثم يعيد جملته للتوكيد .. ثم يصف صاحبه بقاضي النسوان الذي لا يمكن - لنقصه - معاتبته .. اشعر كلما سمعت الوصف بقسوته ..اتخيل رجلا شرقيا تاجرا مصريا في العشرينات من القرن الفائت قد يكون ربا لأسره او معلما كبيرا في سوق الذهب ..و قد سبه احدهم بانه ( قاضي النسوان ) .. الذي لا يمكن معاتبته لعوره .. اي قسوة شعريه
..

بيقولوا مره عمل خلخال

ينفع ركاب لتلاته بغال

سالت مين لبسته يا عيال

قالوا جليله ام الركب

..
اها.. الان يتضح السبب .. خلخال جليله ..و من المنصف الآن ان ينتقل السباب الى جليلة المذنبة ولو قليلا .. لكني افضل ان اتخيل قلب سيد وهو لا يطاوعه في سباب جليله اكثر من هذا فيعود ثانية الى التاجر الكبير فيكيل له الذم .. ويشكك في اهليته لان يصبح ( معلما ) في السوق اصلا .. و يصفه بالقواد الذي سيلقى جزاء افعاله فتبور تجارته و تسود حياته
:

ماعرفش ان كان ده معلم

ولا ده للعشاق سلم

صبرك عليه بكره يضلم

و تشوفوا فيه كل العجب

..
الف الشيخ سيد مصيبته تلك ولم يكتف بذلك .. بل زار الحارة التي تقطنها جليله .. و جمع اطفال قاطينها الذين يلعبون فيها طوال النهار و جلس يحفظهم لحن الاغنية و كلماتها حتى اذا ظهرت جليلة غنوها لها في ( الرايحة و الجايه ) فتتميز غيظا و تموت قهرا و ندما
..
غير ان ما حدث كان اكثر من توقعات سيد بكثير .. انتشرت الغنوه و انفجرت شعبيتها حتى اذيعت في الاذاعات الاهليه و غناها مطربي المسارح التي تعمل فيها جليله و المنافسة لها ايضا .. و صارت الاغنية على كل لسان .. و تدفقت جموع الناس الى الصاغه لترى صاحب المحل الشهير .. الذي اضطر بسبب الفضيحه الى غلق متجره و قطع رزقه حتى تنتهي الضجه .. و اعتزلت جليلة حسب القصة العالم و مكثت في بيتها حتى قررت الاعتذار للشيخ السيد فأتته باكية طالبة منه السماح فعادت المياه الى مجاريها
ليعود فيغني لها رائعته : انا هويت و انتهيت وليه بقى لوم العزول..و يؤكد في نهاية الدور انه ( احبه حتى في الخصام و بعده عني يا ناس حرام ) كم كانت محظوظه هذه الجليله حتى تخلد في التاريخ بهذه الصوره
انا هويت - سيد درويش


..


بالموسيقى ايضا بكى سيد درويش على حاله .. و اطربنا معه , في عام 1922 كتب سيد درويش لصديقه حسن القصبجي هذا الخطاب
بخط يده
:

..
يقول الجزء الثاني من الخطاب بعد السلامات و التحيات
:
"و اما مسألة سهرك للصبح إذا كان في غير الاستحقاق تطرشه انت و من معك ولو يزعلوا و اللي يزعل يشرب من .... لغاية الانفوشي و السلام ختام , آمل ان تكون كما انا اليوم قاطعت كل شيء نظرا لحادثة وقعت امامي في الخاذزندار " وهو هنا يشير الى اقلاعه عن المخدرات بسبب حادثه شهدها بسبب تعاطي جرعه زائده اخافته .. لا بد هنا ان ابدي اعجابي الشديد بلغة الخطاب السكندريه الشعبيه الاصيله : تطرشه و اشرب من البحر و غيرها في خطابات كتبها سيد و اغانٍ لحنها و الفها و غناها تزيد شعوري بالألفة مع الرجل .. لم يكن سيد درويش من النخبه و لا من فنانيين الامراء او الملوك .. كان قهوجيا من كوم الدكه .. ظهر هذا في الحانه و طريقة حياته وظل -لحسن الحظ - بنفس طباعه حتى مات كما مات آلاف من المصريين من ابناء جلدته في هذا الوقت: جرعة كوكايين زائده
..
في الحقيقه كانت المخدرات شائعة جدا في هذا العصر حتى كان الحشيش يدخن على الارصفه .. لكن اضرار الكوكايين كانت الاكثر بروزا و الاسرع ظهورا .. .. الكوكايين هو اصعب انواع الادمان الذي لا يرتبط فقط بجانب نفسي بل بجانب عضوي قوي و يصعب علاجه .. بالاضافة طبعا الى سهولة الحصول عليه وقت كانت مصر ولاية بريطانيه و سوقا مفتوحه حره لكل البضائع و الوافدين و الثقافات .. في عدة الحان سخر الشيخ سيد من الكوكايين و عظم ضرره بل و شتم متعاطيه .. المشكله انه ايضا وقع في براثنه و لم يستطع فراقه .. في (لحن الكوكايين ) نسمع المرارة التي يشي بها صوته في واحد من اكثر التسجيلات التي سمعتها في حياتي صدقا
..
تخيل معي : رجل في الثلاثين يملك موهبة موسيقية سماويه و يحاول الاقلاع عن واحد من اكثر المخدرات قوه و اصعبها في التخلي عنه .. يعلم اثاره لكن مابيده حيله .. ثم ضع كل هذا على اسطوانه تسجيل .. لحن الكوكايين هو واحد من اكثر التسجيلات التي افزع من مجرد تخيل ضياعها كالذي ضاع من اسطوانات


الكوكايين - طارق حسن
 
..

اشمعنى يا نخ

الكوكايين كخ

ده اكل المخ هلكنا اعمله على غيرنا

رايحلي تطخ

و جاي تبخ

شطب هو انت شريكنا حتى في مناخيرنا

ايش عرفك انت يا دونكي

المدعوقه دي بخنفتها بتكلفني

كوكايين كام في ليلتها

ياما راح قناطير جواها

من القزايز اياها

صحه ماصحه

لا اله الا الله ها ها ها راحت مورتم

..
اداء مليء بالمرارة بامتياز .. احب ان اصدق ان الشيخ يخاطب نفسه اللائمة اياه على استمرار ادمانه .. ثم يبرر بان القصة خارج سيطرته .. ( المدعوقه ) انفه يصوتها الاخنف هي اصل الفساد و سبب كل شر .. صحه ما صحه .. ثم ضحكة تقطر مراره تنتهي بمورتم (وهي كلمة يونانيه تعني الموت ) لتنهي القصه كما يجدر بها ان تنتهي .. اداء الشيخ لكلمتي نخ و بخ يدعيان الى الذهن فورا تقليدا سكندريا اصيلا في استخدام اصوات سقف الحلق كاداة استنكار .. هل يحتمل ان يكون هذا قصد الرجل ؟؟ احب ان اتخيل هذا
..

العايز اهبل

يا خواجه زنفل

يروح ابو زعبل و ابوها علشان تنشيقه

و لا خمسه جرام و لا عشره جرام

بيقضوا اخوك دانا اشطب على مية توريقه

..

مش غايته الجيب حاينفض ؟

ايه يعني

المخ يأكسد؟

ايه يعني

نشمه ابيض يطلع اسود

..
لا اروع هنا من الجمله اللحنيه في السؤال و الجواب : مش غايته الجيب حاينفض ؟؟ فيرد علي السؤال من اسفل السلم الموسيقي : ايه يعني .. فيسأل من اعلاه ثانية : المخ يأكسد .. فيرد من اسفله ثانية و كانه شيطانه الساكن بداخله : ايه يعني
..
و في النهايه يسود السؤال الذي يقرر حقائق : نشمه ابيض يطلع اسود
..

ياما حكما و اجزاجيه

ياما حانوتيه و تربيه

بقوا اغنيا على حس الكوكاينجيه

هي هي هي شوفوا الدنيا

مابقينا صم بكم عمي

ترلم برلم يا افندي البيجي بيجي بيجي

من السما احنا وقعنالك

و انتي استلقتينا

يا مصلحة الجمارك

حاتلاقينا تفليته ورا تفليته

حانموت ميه و رميه

و اخرتها تيري بيتي تيتي

ع العباسيه

حوشيني ياما

ع العباسيه

دي مناخيري

طولت شويه

دي مناخيري

طولت شويه

..


الجزء الاخير من اللحن لا يمكن وصفه .. مقارنة بسيطة باول اللحن يضعك فورا امام استنتاج قدرة سيد درويش الوهميه على تغيير مزاج وحالة الاغنيه من النقيض الى النقيض .. الجمله اللحنيه في جملة : تيري بيتي تيتي تعطي شعورا بالجنون و الاختلال العقلي .. لا اظن ان احدا استطاع حتى الان التعبير عن هذه الحاله بهذه الدقه بمقامات عربيه .. يتخذ اللحن في النهايه طابعا كوميديا و يكرر سيد درويش اخر شطره بصوته لكن بطريقتين مختلفتين .. في المره الثانيه حين يقول : دي مناخيري طولت شويه .. يعيدها من القرار اللحني .. من اسفل السلم .. لا املك الا ان ابتسم حين اسمع هذه ال(تهييسه ) اللحنيه التي يزيد عمرها عن قرن .. اي عبقريه
..
تستطيع تبين واقعية الكلمات و صدقها حين تعرف مثلا ان الكوكايين يسبب طبيا ضمورا في الحاجز بين فتحتي الانف مايؤدي الى تشوه يسمى بانف سرج الحصان ماينتج عنه زيادة طول الانف قليلا و نقص ارتفاعها
!!
..
بقي جانبين من حياة سيد درويش اريد ان اناقشهما هنا من خلال موسيقاه .. الاول هو لقبه كفنان الشعب .. وهو لقب - على كراهتي للبروباجندا الاعلاميه - اجد نفسي اتفق معه قلبا و قالبا .. كما ذكرت اعلاه ظل سيد درويش هو القهوجي ابن كوم الدكه الذي قاسى الامرين في حواري و شوارع الاسكندريه و ارتبط باهلها و عمالها و نساءها و اطفالها و رجالها .. اعماله تنضح بهم و الحانه تقتبس كثيرا من موسيقاهم الشخصيه .. سجل اصدقاء سيد د رويش كثيرا حوادث استعان فيها كملحن بالناس لمساعدته ..و كم من مرة سمع فيها درويش لحنا اعجبه من بائع متجول , صياد , راعي غنم , تاجر او حتى مجذوب متصوف و ترجمها لحنا بقى حتى اليوم .. مثالي الموسيقي هنا هي لطقطوقه استقاها الشيخ من غناء نساء المدن في اعراس بناتهن واولادهن .. ( يا هادي ) التي كتبها بديع خيري لا تخلوا من شحنة وطنيه جميله تشجع الصنعه المصريه بحماس مغلف برائحة الشارع ... درج بديع خيري على دس قضاياه الوطنيه التي تشغله و تشغل مصر في وسط الاغاني ليُكسِبها ربما شعبية او بعدا تاريخيا او كليهما . لا تملك و انت تستمع الى يا هادي الا وان تتذكر الصوانات و الافراح التي تقام في شوارع المناطق الشعبيه حتى اليوم في المدن و الريف .. و لا بد ان تسترجع طقوس العرس الذي يبدأ بالحنه و نقل الاثاث و الزغاريد المصاحبه و ينتهي بالفرقه الموسيقيه و المطرب و احيانا الراقصه و يتخلله ما سجله بديع و غناه سيد من ضيق يد والد العريس او العروس , تضامن اهل المنطقه و الحق في المتعه و اللهو و لعب الكوتشينه و الشرب و الاكل حتى الصباح..زفاف مصري صميم مائة بالمائه
..


يغني حمدي رؤوف : يا هادي
..

يا هادي يا هادي

اجلي مزاجك يابو زقزوق الليلادي

يابن حارتنا يانوارتنا

حتى بناتك جه بخت اجوازهم نادي

دوروا ماتخلوش مزيكا

الا اما تجيبهولنا تدقلنا

عشرة بولكه النبي يا ماريكا

الليله الحظ يحقلنا

المسأله هاصت .. ابسطها يا باسط

ليله صباحي و قعده ناديه

للالاتيه واولاد راضيه

..

حتى يصل الى

:

بكره الموبيليا تيجي من مارسيليا

ليه ؟؟ لاهو نجار مصري ايده قصيره

و لا صنعته ناقصه تموردن ؟؟

و النبي لو ترسي على حصيره

ولا حوجه لمارسيليا و لندن

يا هادي

:)
الجمله اللحنيه هنا مصريه بامتياز .. نح جانبا الايقاع و الوتريات و التوزيعات التي تميز اعادة تسجيلات الستينات و تخيل اللحن يُردَدُ باداء الحضور في ليلة حنه او زفه باصوات عاديه قد تنشز احيانا و قد يصاحبها الزغاريد وضرب الكفوف او الطبل البلدي
..
اما شعريا فلا حاجة بي لان اذكر بديع خيري .. البحر الزجلي الهادر و صاحب اكثر التعبيرات المصريه سلاسة و اصالة في وصف الاحداث و الظروف و الامكنه .. .. ( ده بقف مين اللي يألس ) هي مثال لا يحتمل اللبس على مصرية هذا المشروع الفني الشعبي الذي لا يتجمل و يسمي الامور بمسمياتها
:
ده بقف مين اللي يألس - سلمى صباحي
 


..

ده بقف مين اللي يألس على بنت مصر بأنهي وش

و النبي يجري يتليس ماطلع كلامه طظ! فش!

النوه النووه

هي هي هيه

شغل البكش ده يا أختي مابقاش ينفعنا دلوقتي

دي المصرية كتّر خيرها في التربية سبقت غيرها

يا سيدي إنت

البنت تفضل محبوسة قال جوه بيتها يكون أظبط

و اللي يقولوا عليه موسى , يمكن يكون فرعون و ازرط

العفو العفو

يا سلام

يا سلام يا إخوانا دي العبرة ماهيش في جوة و لا برّة

عمر الحرة ما تبقى عرّة عمر العرّة ما تبقى حرة

يا سيدي إنت

باردون يا فندي بالذمة إيه بس عيب المصرية

الدنيا ضاقت بيك لما ماتاخدش غير الأفرنجية

إفهم

و إعقل

يا أهبااال

يا أهبل ليه غيرنا يفارقنا ماتخلي زيتنا في دقيقنا

دي المصرية تبيض وشك الأفرنجية عينها في قرشك

يا سيدي إنت

اللي ماتكتبش و تقرا الدجالين قالعين عنها

وتو ما تقع البقرة مالحق ما تكتر سكاكينها

إخه إخيه ..إخييييه تفوا عالجهل ميت تفة

يالا نكسر وراه شقفة من تعليمنا أهلنا خايفة

واقعين ليه من قعر القفة

يا سيدي إنت

خليها دي حلقة في ودنك من قبل ما تقري الفاتحة

أول كلام تقوليه لابنك وطنك مافيش زيه دحه

م النيل إمبوه

حبووووه

حبه يا نونو بالأكتر من بابا و ماما والسكر

منه الـتسة و منه الممه إوعك تنسى فرض الأمة

يا جدع إنت

كلمات الاغنيه بخط سيد درويش نفسه

كلمات تقدميه تحرريه لا معقوله .. و ايضا مصرية قحه .. لا اظن ان غير بديع و سيد ذكرا كلمات ك( اظرط ) و ( يتليس ) و( طز فش ) قبلهما او بعدهما .. يفلت النظر ايضا ما يطرحه من افكار اعتبرها ثورية حتى في عصرنا هذا -للاسف .. كيف ان تعليم الفتاه واجب و ان الجهل اكثر ضررا من الفساد الذي يتصوره اهاليهن .. و يتحدث في نفس الوقت الى الفتاه التي تربي جيل المستقبل .. يخاطب الطفل بالفاظ نستخدمها معهم .. تسه و دحه و ممه و امبو و تكون الوصيه هي حب الوطن و الا ينسى واجب الامه .. سيد و بديع هما خير تمثيل للمرحله الذهبيه من تاريخ مصر .. حيث المشروع الوطني للتسامح و التعدديه و الامل في المستقبل .. في اغان ٍ اخرى تمثل المرأه و الفتاه اهميه كبيره لهما كمفرخة لما سيلي من اجيال يؤمل ان تحمل الخير للبلد .. في (بنت اليوم ) تتكلم الفتاه المصريه لتطالب بحقها .. فهن يحملن الشهادات و الدبلومات و يعرفن السياسه و لغات العالم .. و يطرح بديع افكارا ثوريه تقدميه مجنونه - بالنسبه لزمنها و للآن - فيقول مثلا على لسان النساء المصريات


بنت اليوم
..

ليه جوزي مايحلش محلي

يكنسلي ويطبخلي و يقلي

و انا اروح اقضيله طلباته

و عيشتنا تبقى ترللي

اشمعنا في اوروبا الستات

ليهم صوت في الانتخابات

احنا كمان لازم نفوقهم

هنا في بلادنا و نبقى فوقهم

دي المصريه من نشأتها

مافيش زيها ست في بيتها

ان كان في حبها لبلادها

و لا في تربية اولادها

..
ملحوظه صغيره على اللحن الغير عادي .. في اوائل العشرينات من القرن الفائت كان ايقاع اي غنوه لا يختلف عن وحدات كبيره مكرره بطيئه و ثقيله .. ادوار و موشحات و طقاطيق طويله تهدف التطريب و ابراز الصوت ... استرجع مثلا اغاني منيره المهديه و فتحيه احمد و حتى عبد الوهاب كمثال .. لذا كان معنى ان يؤلف سيد درويش لحنا كبنت اليوم على ايقاع فالس غربي سريع راقص عملا موسيقيا ثوريا لاقصى حد
..
في مثال اخر هام للجانب الثاقب في رؤية درويش للواقع المصري يقول بديع خيري في ( بكره يا بنتي ) التي تنصح فتاة قبل زواجها عدة نصائح


بكره يا بنتي - حسن درويش

واذا ربنا من عليكي بالخلفه الحلوه و نعيمها

حطي دايما نصب عنيكي الامه بنسبة تعليمها

لما تلتين رجالتنا يشتغلم بس في وظايف

ازاي تتقدم صناعتنا و تجارتنا تكون هاي لايف

فهموا اولادكم يا اخوانا

العبره ماهياش بوظيفه

كل حرفه تفيد اوطاننا متى كانت حره و شريفه

..
وهي ابيات تلخص مأساة سوق العمل في مصر في ايجاز لا يخل ..كم من المدهش ملاحظة نفس الهموم و الافكار التي كانت في مصر منذ قرن تتكرر حتى تصل الينا اليوم .. ظاهرة بلد الشهادات و البطاله المقنعه و نقص الحرفيين و الايدي المؤهله هي اشياء لفتت نظر درويش و بديع فغنوا عنها .. ستندهش الى اي مدى تنطبق بعض اغاني درويش على الواقع في مصر حتى اليوم .. مثال ذلك حدث لي شخصيا في وقت مررت فيه بأزمة نفسية تلت ماشهدت من عنف طائفي هنا و هنا .. صاحب هذا قراءتي لتاريخ مصر الليبراليه قبل الثورة و الحياة السياسيه و الاجتماعية و الزخم المجتمعي الذي نفتقد عشره اليوم .. اتذكر متابعتي باحباط لاخبار العنف الطائفي لاعثر فيما يشبه الصدفة المرتبة على تسجيل بصوت سيد درويش من لحن السياس البديع



لحن السياس - سيد درويش

..

اسمع اسمع مني كلمه

ان كنت صحيح بدك تخدم

مصر ام الدنيا و تتقدم

لاتقول نصراني

و لا مسلم

ولا يهودي يا شيخ اتعلم

اللي اوطانهم تجمعهم عمر الاديان ماتفرقهم

يمينك .. شمالك .. اوعى

..
و كأني صادفت علامه كونيه غامضه وموجهه .. كانت تلك هي موسيقى المرحله بلا جدال .. نصيحة بديع و درويش التي تتردد الى الان مازلت اؤمن بضرورة تحقيقها و الكفاح في سبيلها
..
ذاك اكثر ما يعجبني في الشيخ سيد درويش.. مناضل بلا شعارات حنجوريه و لا ايديولوجيات .. مناضل شعبي صميم بلا اتجاهات الا مصلحة الوطن .. في ذهني الان الاف الامثله لاشياء غناها سيد درويش معلقا فيها على حال مصر ايامه : الفساد , احوال الموظفين , العمال , الفلاحين, الصنايعيه , الطلبه و الساسه ..لم اظبط سيد د رويش يوما يغني لتيار او سياسه ..ولم اسمعه يغني الا لقضايا اجتماعيه تهمنا حتى اليوم و ستهمنا لمدة طويله اتيه .. تجري الآن محاولات لادلجة سيد درويش وجعله رمزا وطنيا مطالبا بحقوق العمال و مدافعا عن العداله .. ارجوكم توقفوا عن هذا .. الرجل ابسط من هذا بكثير.. و اهم من هذا بكثير ايضا
..
في لحن السياس الذي ذكرته الان يقود درويش عربة مصر التي ينادي سايسها للناس ان ( اوعى يمينك .. اوعى شمالك ) في لحن يضم في خلفيته نبرات ( استكاتو) اوتار الكمان التي تعطي بطريقة ساحرة صوت خطوات الحصان الذي يجر العربه باسلوب لا اصدق انه تم تسجيله في العشرينات من القرن الماضي .. هذا جزء هام ايضا في مشروع سيد د رويش .. اطلت كثيرا لكني اود ان اترك مثالين للتعبير الموسيقي و رسم الكلمة باللحن كما فعله العبقري ابن كوم الدكه
..
اللحن ( المصيبه ) كان الشيطان - يغني هنا عبد الوهاب مقطعا منه .. عبد الوهاب قال يوما انه قد يتخلى عن كل ما الفه و ما سيؤلفه من موسيقى ليلحن كلمة ( يا ساتر ) كما لحنها سيد في هذه الغنوه .. سياق الكلام يعطي شعور الامتعاض و الدهشه و الخوف و التعوذ الذي عبر عنه اللحن بصوره لا مثيل لها .. اسمع و احكم بنفسك


كان الشيطان عبد الوهاب
 
..
المثال الثاني و المفضل لي شخصيا هو في اغنية خلقها درويش من اجل جليله .. ( ياللي قوامك يعجبني )  .. يقال - و ساصدق بلا جدال - ان جليله كانت فارعة الطول رشيقة القوام .. اي شيطان يلحن كلمة ( قوام ) بمد الالف على درجات سلم المقام صعودا ثم نزولا في كلمة يعجبني ليعبر عن طول القوام


ياللي قوامك يعجبني - سيد درويش
 
..
كيف بالله الا يقع اي انسان في سحر موسيقى هذا الرجل"

http://jarelkamar.manalaa.net/Sayed_Darwish