الخميس، 8 يوليو، 2010

مبسلمش على رجالة

زرت امي في مقر عملها فدار هذا الحديث

بعد الترحيبات والكلام الفارغ ده
امي : تعالى بقى عشان اوريك الناس اللي شغالة معايا
أنا: يلا
امي : بس خللي بالك الستات هنا مبيتسلمش عليهم
أنا: امال بيتعمل معاهم ايه
امي : ايماءات بس
انا: ازاي يعني
امي : يعني تحرك لهم راسك بس
أنا : انتي بتتكلمي جد ... دول مش منقبات (باينين من الازاز)
امي : اه صدقني يا ابني
-ده مرة مدير الشركة بيهني مامة واحدة من البنات اللي شغالين معانا بعد ما اخدت الماجيستير قالتلة : "مبسلمش على رجالة".
!!!!!!!!!!!!!!!!!!!!!!!!!!!!!!!!!

اللي قالولكو كده ناس معقدة نفسيا مكانتش في ست بتبصلهم فحرموه على الكل
وبيقولك الدليل العلمي ان الايد فيها مراكز حس بتثير الشهوة
وكذلك شم بارفانها وسماع صوتها برضه بيثير الشهوة

أنا كراجل بقولكوا ان الشخص اللي بتتكلموا عنه ده مش طبيعي
ولو انتوا تبقوا عالم مش طبيعيين
او قاعدين بتتفرجوا على سكس طول الليل في الخباثة
وبتحاولوا تحموا نفسكوا من الفضايح

بديع خيري وسيد درويش بيقولولك : "ده انت بأف"




هناك 3 تعليقات:

Kontiki يقول...

اة طبعا منسلمش على رجالة هو احنا مجتمع لا سمح الله ولا محترمين كل واحدة لازم تعرف انها فتنة وشهوة ومثيرة للراجل الغلبان وان النية دايما مش سليمة ولا نضيفة ولا فى طهر ولا عفاف ولا اخلاق فى شهوة وجنس وبس الرجال يبص فى الارض كانه شايف جربة لما يشوف بنت لية عشان اول ما يبصلها مش حيبص عادى كدة لأ حتثيرة وتحركة والبنت متسلمش على اى مذكر ابتداء من سن 8 سنين مثلا لية عشان يحللها واكيد حيثيرها دة مجتمع معفن ومزدوج وحقير وبيتمسح فى حاجات معفنة وجاهلة وضد الانسانية و ضدالفطرة السليمة وفكرين نفسهم بنى ادمين وهم الحيوانات ارقى منهم .
اكتب يا بنى اكتب وافضح التناقض تسلم ايدك :)

Andrew يقول...

شكرا على اول كومنت
اهلا بيكي في المدونة

اه طبعا كلنا هنكتب وعقبال الخطوة الجاية

بس لو كنا محتاجين كل خمسين سنة قاسم أمين او ثائرين جدد مش هنخلص

الواقع اننا شخصيتنا ضعيفة .. متساقيين

على باب الله يقول...

هههههههههههههه روعة