الاثنين، 19 يوليو، 2010

اولاد امبارح

وأنا في التدريب كنا في قرية بنشتغل في مشروع صرف
طبعا مش هقدر اوصفلكوا فرحة الناس هناك وكم العصاير اللي بيقدموها وانت معدي بس

بس واحد من العمال مش فاهم بنكلة قال للناس هناك ان المواسير المفروض تبقى كلها على فرشة خرسانة والمهندسين بيسرقوا
الناس راحت تكلم المهندس زعق لهم وقالهم ده شغلنا محدش ليه دعوة بيه

انا رحت فهمت الراجل ان العامل ده مش فاهم هو بيعمل ايه
وفهمته ان المواسير اللي بيتكلم عليها دي فخار اما اللي حطينها ليهم زهر ليها طريقة مختلفة
الراجل قاللي الله يريح بالك زي ما ريحت بالي

كل اللي جه في بالي انها هي دي الطريقة اللي بيتعامل بيها سياسيين بلدنا معانا
هما بقالهم 20 سنة شغالين سياسة واحنا ولاد امبارح بننتقدهم
مش بيحاولوا يفهمونا حتى وجهة نظرهم
يريحوا بالنا
كل ده عشان مش عارفين ننزل ونعرفهم اننا فعلا قوة
وفعلا مش بنهزر واللي ميعجبناش هنقعده في بيتهم


هناك تعليق واحد:

Kontiki يقول...

يفهمونا وجهه نظرهم ! البلد دى تكية وملك خصوصى للحكومة والوزرا ورؤساء الاحياءوجهه نظرهم المفروض نشوف تطبيقها فى انجازات للشعب و للبلد